ԲՐԵՆԴԻՆԳ
«INFLUENCERS HUB» Ուկրաինա
ԽՆԴԻՐ
Ստեղծել բրենդային ինքնություն «Digital Communication Network» միջազգային կազմակերպության կողմից Ուկրաինայում բացված «Influencers Hub»-ի համար, որը կփոխանցի ակտիվ, երիտասարդական, ինովացիոն ու դրական ասոցիացիաներ։ Կարևոր էր, որ կորպորատիվ ոճը ճկուն լինի և հնարավորություն ունենա ներկայացնելու տարբեր պրոդուկտներ նույն բրենդային ինքնության ներքո նաև ապագայում։
ԼՈՒԾՈՒՄ
Ստեղծվել է բրենդի կոնցեպտը՝ կորպորատիվ փիլիսոփայությամբ և վիզուալ ինքնությամբ
Բրենդի կոնցեպտի հիմքում ընկած է հետևյալ գաղափարը․ ձև, գույն ու տեսանելիություն տալ վերացական գաղափարներին։ Մասնավորապես, խոսքը ինֆլուենսի (ազդեցության) գաղափարի մասին է։ Մարդու ազդեցությունն այլ մարդկանց վրա անտեսանելի էներգիայի է նման։ Մենք կարող ենք պատկերացնել, թե այդ էներգիան ինչ տեսք ունի։ Օրինակ, այն կարող է ունենալ ոչ հստակ ձև ու տեսք, տարբեր գույններ՝ կախված նրանից, թե ինչպես ենք մենք այն պատկերացնում։ Էներգիան կամ ազդեցությունը նաև ուղղված է այլ մարդկանց, հետևաբար այն նաև տարածվելու միտում կունենա կամ շարժման մեջ կլինի։ Հենց այս վերացական պատկերները ձև ու գույն են ստացել բրենդի վիզուալ ինքնության մեջ։
ԿԱՐԳԱԽՈՍԸ
Share your Influence (հայերեն՝ Կիսի՛ր քո ազդեցությունը)
ԵՐԿՐՈՐԴԱԿԱՆ ԿԱՐԳԱԽՈՍՆԵՐ
Կիսի՛ր քո գաղափարները*
Կիսի՛ր քո էմոցիաները*
Կիսի՛ր քո տեսլականը*
Կիսի՛ր քո գիտելիքը*
*պատասխանատվության զգացողությամբ
INFLUENCERS HUB-Ի ՄԱՍԻՆ
Ուկրաինայում ստեղծված «Influencers Hub»-ը հնարավորություն է տալու մեդիա մասնագետներին, երիտասարդներին, ովքեր ակտիվ են թվային պլատֆորմներում, համապատասխան հմտությունների և թվային տեխնոլոգիաների միջոցով դրական փոփոխություններ բերել։
ԱՌԱՔԵԼՈՒԹՅՈՒՆԸ
Միատեղել միտքը, ստեղծարարությունն ու տեխնոլոգիաները՝ ստեղծելով պրոդուկտներ, որոնք կբերեն դրական փոփոխություն։
ՀԻՄՆԱԿԱՆ ՀԱՍԿԱՑՈՒԹՅՈՒՆՆԵՐ
Ինֆլուենս (ազդեցություն)
Ինֆլուենսը սոցիալական հարաբերությունները կամ հաղորդակցությունն է այլ մարդկանց հետ նրանց վրա ուղղակի կամ անուղղակի կերպով ազդեցություն գործելու նպատակով։ Դա կարող է լինել ազդեցություն գաղափարների, էմոցիաների, նույնիսկ պահվածքի ու գործողությունների վրա։ Ինֆլուենսը միշտ չէ, որ տեսանելի է, բայց այն մեր սոցիալական կյանքի անբաժան մասն է։
Ինֆլուենսեր (մարդ, ով ունի ազդեցություն այլ մարդկանց վրա)
Ինֆլուենսերն այն մարդն է, ով ունի հետևորդների խումբ, ինչպես նաև գիտակցում է իր պատասխանատվությունը իր հետևորդների նկատմամբ։ Մենք հավատում ենք, որ մեծ հետևորդների շրջանակն իր հետ բերում է մեծագույն պատասխանատվություն։
