ԽՆԴԻՐ

Բրենդավորել ոլորտի մասնագետների կողմից ստեղծված կրթական խաղը՝ անվանման ու լոգոտիպի ստեղծումից մինչև ամբողջ փաթեթի բրենդավորում ու տպագրության մենեջմենթ։

ԼՈՒԾՈՒՄ

Ընտրվել է «Քարկապ» անունը, որը համահունչ է խաղի հիմնական փիլիսոփայությանը․ ստեղծել կապ տարբեր մշակույթների միջև դրանց մասին գիտելիքը և ինֆորմացիան կիսելու եղանակով։ Բացի այդ, խաղի մեջ առկա է նաև իմաստության քարի սիմվոլը, որը խորհրդանշում է մասնակիցների հաղթանակը, երբ նրանք հաղթահարում են բոլոր փորձությունները։ Այսպիսով, «Քարկապ»  անունը ամբողջությամբ համապատասխանում է խաղի բովանդակությանը և, միաժամանակ, բրենդինգի տեսանկյունից հաջողված անվանում է։

Անվան կոնցեպտի շուրջ կառուցվել է խաղի վիզուալ հատվածը։ Մասնավորապես, տարբերանշանը բաղկացած է անվանումից և քարկապի սիմվոլից, իսկ խաղատախտակը, խաղի քարտերը և մյուս բաղադրիչները բրենդավորվել են նախևառաջ խաղի ֆունկցիոնալ խնդիրները լուծելու (UX սկզբունքներով), այնուհետև դրանք գեղեցիկ փաթեթավորելու առաջնահերթությամբ։